Apostamos por

• Unha cultura do espazo colectivo, de acción e creación, que permita a promoción da cidadanía consciente do valor do sentimento de comunidade.
   
• A democracia participativa, a través dun modelo organizativo asambleario, aberto e horizontal, que dea protagonismo ao individuo e ao mesmo tempo facilite a toma de decisións en grupo.
   
• Unha análise crítica e construtiva da realidade fomentando a transformación do modelo socioeconómico vixente.
   
• A participación no contexto social, cultural e político catalán e maila interacción cos colectivos e movementos sociais no ámbito dos Països Catalans. Fomentando, así mesmo, a súa lingua e manifestacións culturais.
   
• O artellamento de novas redes de comunicación e acción con grupos ou colectivos da Galiza, da Emigración e do resto da Lusofonía.

Promovemos

A visibilización da identidade galega, entendida en termos creativos e dinamizadores, non esencialistas, fomentando a lingua e a cultura galegas nas súas distintas manifestacións.

Estes principios ideolóxicos foron debatidos e acordados despois do proceso asambleario que levou á creación de Espazo Galego, iniciado como resultado da Xornada de debate sobre a galeguidade en Catalunya celebrada o 30 de abril do 2005 no Museu Marítim de Barcelona.

–––
Se queres colaborar, participar ou manterte informado, escribe a espazogalego@gmail.com